اصبروا شوية على سفيان القصايري

لاعب شاب مازال كي طلع لفريق الأكابر، ولد جمعية وترعرع على حب النادي.
عندو إمكانيات لابأس بيها في المساندة الهجومية أما مازال ناقص في الدفاع حيث تسببنا في عدة أهداف اثر أخطاء فردية فادحة منها زوز بونتو مع الملعب التونسي في الجولة الأخيرة وضربة جزاء ضد جندوبة وغيرهم.
المطلوب من جمهور الهمهاما أنا نصبروا عليه من جهة خاطرو ولد جمعية ويلعب على المريول واللاعبين من الطينة هاذي ما عادش منهم برشة في البطولات متاع العالم كلو مع حلول عهد الإحتراف، ومن جهة أخرى خاطرو ينجم يتصلح ومشروع لاعب باهي نظراً أيضاً لصغر سنو.
ولازم المدرب يحاول يحمي هذا اللاعب من ردود فعل الجمهور بإقحامو تدريجياً في المباريات الجاية حتى ترجعلو الثقة.
ومعاها ربي الهمهاما!